用作程式交易的證券行(1)

寫開程式交易起壇準備，加上之前曾經提醒過自己要做證券行的服務記錄，所以決定寫多少少。可惜我手上資料太多，而且拖兩拖啲資料又會慢慢過時怎樣辦？更新資料嗎？我又不想花這樣的時間而且又沒有迫切性，所以都係只做初步資料再搜集和整理吧；之後補回。

貝閃自己是用Excel VBA 和Multicharts為主(之後或者會學Python)，選用原因係貝閃本身係文科出身既電腦白癡老散，數學和電腦技能都絕對比唔上行內人，消息亦唔靈通；所以，出文之後唔好問我點解唔提及輝記有Excel Real Time可作程式交易，又或有用C++和Java的高手自製API可以連到某券商仲駁埋DMA做快閃交易之類；因為它們的製作程式交易方法不在我的可使用名單中。

以下是中港台可以做程式交易系統Multicharts 的證券商清單，或有遺漏，有人知道更多的話請留言跟我說，等我「被動更新」，踢一下提一下郁一下。至於清單中各券商的服務比較表、佣金收費表、限制比較表……等，我都無時間做了，都係等有迫切性再做吧，所以呢篇文章係第1篇，之後肯定有2、3、4、5 ……一路落。有清單又有Google 就可以逐間查逐間問，相信已經幫到唔少人。回想自己當年最慘係連Keyword都無連查都無得查。至於要問咩就睇貝閃另一篇文章「一切從揀券商開始」啦 (麻煩自己Copy Keyword去GOOGLE) 。

根據Multicharts 網站提供及口耳相傳所得的資訊 (排名不分先後)

香港服務券商：

群益香港、中國國際香港、新永安、橫華國際、三甲金融、運籌國際、邁科國際、

興証香港、銀河國際、永豐金融、金瑞香港、東方金融、越秀香港、直達國際、

中証國際、六福金融

駐港海外券商：(呢個方便香港人睇既)

FXCM.com(樂天証券)、FOREX.com、Interactive Brokers

由以上可見有不少是國內券商收客，也有外國公司來港方便國際投資者，本土券商就一隻手數得晒。去邊間自己做功課。

台灣服務券商：

元大寶來、群益期貨、日盛期貨、大昌期貨、康和期貨、華南期貨、凱基期貨、

富邦期貨、永豐期貨、元富期貨、太平洋期貨

作為Multicharts (MC)亞洲版權主人的台灣公司Kway (凱衛)的基地，基本上全台灣所有當地券商都支援MC 的，所以即使上面没列出來，你去邊間都會有服務。當地的程式交易服務已達到平民化，資源充足，自問會對在港的台灣券商睇高少少(如有佣金平的話)。在台灣開戶的人注意，據說手續費的話，股票程式交易的請找證券部門，期貨的話是直接找期貨部門才最平宜。(網上爬文後所得參考價：少於20TWD per trade，大量交易者更低)

中國服務券商：

安信期貨、寶城期貨、大地期貨、大連良運、大有期貨、東方匯金、東航期貨、

東海期貨、東華期貨、大陸期貨、東亞期貨、東證期貨、方正中期、格林大華、

光大期貨、廣發期貨、廣州期貨、國都期貨、國海良時、國金期貨、國聯期貨、

國貿期貨、國泰君安、國投安信、國信期貨、國元期貨、華龍期貨、海通期貨、

海證期貨、恒泰期貨、弘業期貨、宏源期貨、華安期貨、華聯期貨、華融期貨、

華泰期貨、華西期貨、華鑫期貨、華聞期貨、徽商期貨、混沌天成、建信期貨、

江西瑞奇、金匯期貨、金瑞期貨、金源期貨、金元期貨、津投期貨、錦泰期貨、

魯證期貨、美爾雅   、邁科期貨、南華期貨、南證期貨、瑞達期貨、瑞龍期貨、

盛達期貨、上海通聯、上海中期、山金期貨、申銀萬國、首創期貨、天風期貨、

天鴻期貨、通聯期貨、同信久恒、萬達期貨、五礦經易、西南期貨、西部期貨、

信達期貨、鑫鼎盛   、新湖期貨、新紀元   、新世紀   、興證期貨、興業期貨、

一德期貨、銀河期貨、英大期貨、永安期貨、長江期貨、招金期貨、招商期貨、

浙商期貨、中財期貨、中大期貨、中國國際、中國平安、中鋼期貨、中輝期貨、

中航期貨、中糧期貨、中融匯信、中投期貨、中信建投、中信期貨、中銀國際

由以上情況可估計，國內程式交易的發展速度很快速(尤其高頻交易和套利交易)，證券行都大額投入資源互相吞併，已經進入淘汰狀況；慶幸的是期權程式交易還是很初步的階段而且法制不完善阻礙發展，未來五年都不會變定局，現在學程式交易的人還是能追上的。同時，你會看到有些公司在香港有辦事處，至於交易什麼，收不收香港客戶要自己問才知道 (可能人地只係想做交易香港標的才開公司，根本無打算向證監申請掛牌收客)

外國服務券商 (Multicharts 有清單的自己找找看)

AdvancedFutures、AMP、AVATrade、Apex、Arrowfield、Backbay、Cannon、CQG、

DeepDiscountTrading (DDT) 、Dukascopy、Eminis Trader、Interactive Brokers (IB) 、

IWBank、FXCM、FXMTF、LMAX、MB Trading、Oanda、Futuresonline、Olympus Futures、

Optimus Trading、Patsystems、Rithmic、Stage5、TradeNote、TradePro、T.T.Connected、

VanKar、High Ridge、WeBank、Zaner

大家會奇怪點解我會寫埋其他國家的證券行呢？其實我也是偶然想通的，其他地方的證券行只要支援Multicharts，交易產品服務中又有香港的話，都是可以用外國人身份交易香港期指、期權的(請務必同時研究當地稅務法例)，而且外國券商中有幾間平到無人有，值得花時間研究！

 P.S. 利申：貝閃自己有在以上某券行開戶(一間或以上)，但我是基於自身條件和需求的考量而做決定，所選擇的不一定適合其他人。

P.S. FXCM已被收購，情況未明暫不考慮

貝閃

2016/07/12 16:30

一切從揀選券商開始

程式交易；無論你有幾多策略、幾多手法、幾多目標都好，作為小散戶首先就係要搵一間(或多間)可以幫到自己既證券行；尤其係要做程式交易既香港人，如何選擇一間香港證券行做程式交易真係令人頭痕。

呢篇文唔會幫任何一間證券行賣廣告，但市面上的確有啲行係比較好既。呢度只係紀錄我既心得，方便我日後想轉另一間行去交易時唔駛從頭來過(雖然都係會重新搜集資料再檢視一次)。

找證券行之前首先要清楚知道自己有咩要求，我亦順便在此吐下苦水，以我為例：

1) 有(給散戶的)程式交易服務，呢個當然係首要啦，剩係呢項已經可以將全香港幾百間證券行的一大部分篩走踢出選擇範圍。唔好以為香港係金融中心就咩金融服務都有，呀唔係，其實真係咩服務都有，但大部分高階或等殊服務都只係向有錢人開放，程式交易服務就係一例。一間行唔會為左賺散戶雞碎咁多既手續費而額外花數以萬計既錢冒風險去改自己既交易系統，仲要請一批電腦人、又要搵供應商拉線、又要買配套、又要請風控、又要搵中介商、又要培訓一堆客服……等等，隨時散戶人數唔夠每個月要倒貼錢。就係咁隨著程式交易開始普及，需求人數多資金多，而且證監會和港交所亦「間接鼓勵」既情況下，所以最近兩三年開始出現大量證券行將自己公司本身有既程式交易服務對外開放服務。亦因為咁，貝閃從6年幾前起由每間拍門摸門釘到現在只是需要問對方支援那款交易程式便可，方便好多。

2) 搵到之後自然問對方支援那種程式交易。程式交易平台有好多，例如C++、Excel、MetaStock、Multicharts、Esunny、Python等等，多到可以列表(當然，我真係有做功課有列表)，各有優劣。回憶返以前，如果有散戶(非技術人仕)想做程式交易，首先係要搵到一間證券行肯開放API權限俾你連過去公司伺服器下單既同時又要搵到一間數據公司提供即市數據俾你(港交所係有，貴啫)，另一方面又只限制你用C++、C#或Java去做連結語言及運算(仲要自己諗辦法開Server再加個MySQL資料庫去儲存數據，無計，以前唔興用雲端數據庫)。我呢啲電腦白痴又怎可能識做晒，最衰仲要窮。好啦，近兩年真係唔同晒喇(自2013年港交所改系統大幅支持高頻交易，睇返港交所發表文章就知)，百花盛放，證券行開放API任你連入去既同時那些程式交易軟件亦一齊進化主動支援對外連接包括數據接入及下單輸出。下單種類亦開始多元化(呢點我好重視)。所以現今老散們選定一種程式交易軟件便可開波。

3) 得知證券行支援清單上有自己既程式當然高興啦，但係咪住，呢個時侯又要開始問佢有咩限制喇。無錯，係限制！例如(1)交易種類限制：有無國內外指數期貨？有無貴金屬？有無外匯？有無歐式/美式期權！！！？有無股票同債券？(2)資金限制：開戶戶口有無最低存款限制？有無孖展限制(做期貨期權呢個幾重要，防止港交所臨時改保証金條款而無端端被斬倉)？(3)交易限制：有無每月最低交易次數？有無假期持貨過夜規則？有無即日仙交收結算規則計法？電腦自動下單上限(呢個極重要，你睇美國中國既人造股災就知)？總之間間唔同、次次唔同，隔一段時間又會改，要多注意。其他電腦軟件上既限制反而係濕碎事。

4) 仲有一點要知道先既，就是佢有咩支援服務喇。就好似售後服務咁，順境過陣無咩所謂；去到出事嗰陣真係跪地都無用求救無門。做人手交易可能覺得唔重要，但做程式交易就好重要。例如穩定性(佢實話好要自己做功課)、人手斬倉點做(救命服務)、技術支援、系統教授、接駁操作、模擬帳戶……等。試諗下回憶自己開發同交易嗰陣出現過咩問題：斷線點算？張單落左未？成交左未？系統平唔到倉喎？個市咁快電腦跟唔上，個成交價差咁遠？程式寫錯落錯單點算？點解接駁唔到API既？如何自動回補資料？點檢查倉位數據？點解啲數據源左跳右跳唔合理既啲tick顛左呀？點解系統倉位同真實倉位唔同既明明有落單有成交？點解回傳結果係ERROR？原來間間券商有各自命名既交易編號架仲要個個月唔同點動態更新有無清單？淨係得DDE咋？吓！原來間行API唔支援”冰山單”架？出左指令唔等於掛左單排隊架(如時段限制，或下單代存，或未到觸發)？例子多不勝數，唔想係咁，自己多做功課多思考。

5)  到取後一項亦是最重要的一項，就是手續費。當然係愈低愈好啦，呢個項目要留意返同上面咁多因素一齊考慮，達唔到目的幾平都無用；不過貴既亦建議唔好硬住頭皮開戶照做只會白蝕錢，等過多兩年再競爭白熱化多啲先(像貝閃一樣用住Excel開發交易邏輯先羅)，到時一定更平(此時証券行既成本都更平)，美國台灣就係實例。另外有其他收費必須問清楚，始終程式交易的開放只係得幾年時間資訊少透明度低。例如有無收月費、持倉費、交易佣金、按金、用百分比計定固定數計、每次最低收費……五花百門既收費最恐怖，有時寧願貴啲都想揀間收費明確既(成本支出容易轉變為程式碼寫入資金管理程式內)。另外有些証券行有增值服務：例如免費接駁測試、免費/收費數據(呢項重要)、每日電子結單(極重要，即日核對系統有無下錯單)、特殊下單功能、孖展服務(建議先開左然後永世唔用)、免費顧問服務、VIP服務、高頻交易收費計劃…..等。作為散戶拿住幾萬蚊想測試下，其實可以選擇既又唔係好多，手續費都會蝕死更要小心。

以上每一點都足夠做一單清單出黎定期更新！之後有機會再係Blog度做記錄。

點解開Blog我要第一篇就寫呢啲野？仲要打到水蛇春咁長去吐苦水呢？因為我估計咁多證券行開得呢個服務就一定要爭取足夠既客源先頂得順營運。佢地既市場研究部一定會上網搵料，呢篇野就係比佢地睇既。爭客方法其實唔多，佣金多少基乎係致命一擊；但係佣金鬥到無得再鬥時，佣金之外仲有咩呢？啲程式交易外行人同資金少既老散仲會考慮啲咩面對啲咩就變成服務質量比拼指標。間行解決到幾多問題就有幾多客就可以比人收貴啲啲，相信呢篇文章出街後可以提供一個改善方向，最後有雙贏局面：散戶享受服務多元化，券行多左入門客群搶佔有率。

貝閃

2016/07/07 15:00

開Blog自序

香港很缺乏本土程式交易於投機策略上的資訊和技術，高質量分析及講解文章更是少數。本網誌只是筆者用來搜集資料及紀錄自己研究所得而設立以方便搜尋及記憶。為非公開網誌。

Google 其中一個強項就係搵野！除著我咁多年黎日積月累愈來愈多既資料，有網上既、書上既、有自己睇法既、有自己研究既……有時多到連我自己都唔知點搵返出黎，雲端又只能大量儲存資料無法有效回憶，所以都係開Blog啦，可以加多重Tag，可以在網上自我搜尋。不過版權和保密都係我關心既問題，但咁多人用Blog黎寫日記。呢個問題一定有答案只係麻煩啲啫。

暫定呢個Blog係用黎將我所學到、想到、發掘到、收集到有關投機科學和程式交易既資料保存於此。由於太多，今日既我要寫清楚、定義清楚俾將來既我隨時得知返初衷。

本Blog內容分3個大方向：

1) 「投機科學」內容將指向資金管理、風險管理、注碼管理、買入賣出方法、策略、數學方法(含統計)、邏輯方法(含哲學)等……(也會加少少基本因素和技術分析等非重心又避唔開既題材)。

P.S. 在此提醒自己：自己既投機定義要清楚，同市面書上所寫完全唔同，唔好忘記。

2) 「程式交易」內容主要寫程式學習、代碼開發、疑難排解、程式應用、下單手法、回測試驗、實戰統計、效果分析。暫定程式主要係用Multicharts、Excel VBA、Pyhton、MySQL、NAS(雲端主機)……另一方面要記錄低時下不同程式交易策略的運作方法和港交所系統資料。

P.S. 在此提醒自己：唔好學太多，你唔係走Programmer路線，工具夠得喇(呢度夠你用，頂多學埋Cython 同R或Mathlab)

3) 可能會追加交易心理和非投機性文章(的確手上有好多)，有啲意念可以借去投機用；以及其他雜七雜八又有啲相關既文章，和紀錄大量高手文章。

加油！未來的我！

貝閃

2016-07-02 16:40

貝閃誕生

2016年6月1日 晚上00:01 開始

左試右試，又開又刪，終於有比較穩定的架構。也想好了名字，貝閃。



貝閃
2016/06/01 00:01